'Holdaper' patay sa engkuwentro sa Caloocan

Lyza Aquino, ABS-CBN News

Posted at Jul 05 2019 05:00 AM

MAYNILA—Patay ang isang hinihinalang holdaper sa engkuwentro umano laban sa mga pulis sa C3 Road, Caloocan City Biyernes ng hatinggabi.

Narekober sa napatay na lalaki ang mga nakaw na gamit, tulad ng cellphone.

Kuwento ng biktima, naglalakad siya kasama ang isang kaibigan nang bigla siyang tutukan ng baril ng salarin at kunin ang kaniyang bag.

Agad siyang nagsumbong sa mga pulis na tiyempong nagsasagawa ng Oplan Galugad sa lugar. 

Natunton ang salarin sa isang bakanteng lote sa tabi ng C3 Road.

Imbes na sumuko sa mga pulis, nakipagpalitan umano ng putok ang salarin na dahilan sa kaniyang pagkamatay.

Bisitahin ang Patrol.PH para sa iba pang mga balita.