May pakonsuwelo ang lokal na pamahalaan ng General Luna, Quezon sa mga empleyado nitong single o walang ka-date ngayong Valentine's Day.

Base sa executive order ni General Luna Mayor Matt Florido, lahat ng single na empleyado ng munisipyo ay may double pay ngayong Lunes.

Hindi sa bayan kukuhanin ang pondo sa pang-double pay kundi sa mismong bulsa ni Florido.

Pero dapat ibigay ang detalye ng pagiging single sa human resource office ng munisipyo, gaya ng ilang taon o buwan nang single, at bakit wala o nawalan ng partner.

Sisiyasatin ng mayor's office kung totoo ang detalye na ibinigay.

Sakaling ayaw pumasok ng empleyadong walang karelasyon, paid leave naman ang puwedeng i-apply.

Noong nakaraang linggo, inanunsiyo naman ni Mayor Jason John Joyce ng Jose Abad Santos, Davao Occidental na puwedeng mag-leave ang single na mga empleyado ng lokal na pamahalaan sa Valentine's Day.

• Bayan sa Davao Occ, nag-aalok ng Valentine's leave para sa gov't employees na single

FROM THE ARCHIVES

Watch more in iWantv or TFC.tv