PatrolPH

1 patay sa buy-bust ops ng PDEA sa Tawi-Tawi

ABS-CBN News

Posted at Jan 31 2021 12:44 AM

COTABATO CITY, Philippines—Isang lalaki ang patay habang nakatakas ang isang kasama nito sa buy-bust operation ng Philippine Drug Enforcement Agency BARMM sa Tawi-Tawi Sabado ng umaga.

Kinilala ang namatay na si Winnie Basanon, tinaguriang No. 10 most wanted sa lalawigan, ayon sa mga awtoridad.

Dakong alas-7 ng umaga nang ikinasa ng PDEA-BARMM ang operation sa Barangay Bintawlan, bayan ng South Ubian.

Nakuha sa mga suspek ang 6 na sachet na naglalaman ng pinaniniwalaang shabu, 7 piraso ng straw, 1 rolled aluminum foil, at 1 puting plastic case.

Nakuha rin sa kanila ang P1,000 kasama ng boodle money, isang cell phone, isang kalibre .45 na baril, isang M16-A1 rifle at isang M14 rifle.

Ayon kay PDEA BARMM regional director Juvenal Azurin, papasok na ang kanilang tropa sa lugar nang magpaputok ang mga suspek.

FROM THE ARCHIVES

Watch more on iWantTFC
Bisitahin ang Patrol.PH para sa iba pang mga balita.