PatrolPH

3 arestado sa pagbebenta ng isang kilong marijuana sa Tondo

Lady Vicencio, ABS-CBN News

Posted at Jan 29 2021 06:00 AM | Updated as of Jan 29 2021 07:31 AM

Watch more on iWantTFC

MAYNILA - Magkakasamang nahuli ang 3 magkakaibigan matapos sila mahulihan ng 1 kilong marijuana sa isang buy-bust operation ng Galas Police Station sa Tondo, Maynila nitong Huwebes.

Ilang oras ding nagpapalit-palit ng lugar ng tagpuan ang mga suspek hanggang sa makarating sila sa CP Garcia corner Castañaz Street.

Abot sa P120,000 na halaga ng marijuana ang ibinenta nila sa nagpanggap na buyer.

Ayon sa pulisya, nakuha nila ang impormasyon sa ilegal na aktibidad ng grupo mula sa isang informant na kasama sa group chat ng mga suspek.

Online kasi sila magbenta ng droga dahil kadalasang sa mga kakilala lang sila nakikipagtransaksyon.

Mga taga-Quezon City at Maynila, partikular na sa Tondo, ang parokyano ng mga suspek.

Isang kalibre .38 na baril naman ang nakuha sa kanila na posibleng para sa proteksyon nila lalo’t malakihan na sila kung magbenta ng droga.

Aminado ang isa sa mga suspek sa pagbebenta ng marijuana pero nadamay lang umano ang dalawa niyang kaibigan.

Nahaharap sila sa kasong pagbebenta at pagbibitbit ng ilegal na droga.

Bisitahin ang Patrol.PH para sa iba pang mga balita.