PatrolPH

7 arestado sa drug ops sa Cavite, Maynila

Lady Vicencio, ABS-CBN News

Posted at Jan 24 2022 02:15 PM

Watch more News on iWantTFC

Pito ang arestado sa magkakahiwalay na anti-illegal drugs operation ng Philippine Drug Enforcement Agency sa Cavite at Maynila, sabi ngayong Lunes ng mga awtoridad.

Sa Bacoor City, nag-ugat ang buy-bust operation sa sumbong ng concerned citizen na ginagamit umanong drug den ang isang bahay sa Barangay San Nicolas Uno.

Naaresto sa operasyon ang 2 suspek gayundin ang 4 na lalaking bumisita umano sa drug den, na pawang mga residente ng barangay.

Nasa P82,000 halaga ng hininalang shabu at ilang drug paraphernalia ang nakumpiska ng mga operatiba.

Sa Tondo, Maynila, arestado rin ang isang lalaking manggagawa sa pier matapos umanong makuhanan ng 35 pakete ng hinihinalang shabu.

Nasa P170,000 umano ang halaga ng nakumpiskang droga.

Kakasuhan ang mga suspek ng paglabag sa Comprehensive Dangerous Drugs Act of 2002.

Bisitahin ang Patrol.PH para sa iba pang mga balita.