Watch more in iWantv or TFC.tv

MAYNILA - (UPDATED) Nasunog ang 9 na bahay habang sugatan ang 3 katao sa Roxas District, Quezon City Huwebes ng madaling-araw.

Base sa imbestigasyon, nagsimula ang sunog sa lumang bahay ni Reynaldo Miguel sa Zinnia St. pasado alas-12:34 ng madaling-araw.

Kuwento ni Miguel, nagising nalang umano siya na nasusunog na ang kaniyang kuwarto. Sinubukan pa niyang patayin ang apoy sa pagbuhos ng tubig.

May kalumaan at gawa sa light materials ang nasunog na mga apartment pic.twitter.com/DGuP5UiLWH

— Fred Cipres (@RPfredcipres) January 23, 2019

Mabilis na kumalat ang apoy sa katabing bahay at mga apartment na gawa sa mixed light at concrete materials.

Dagdag ni Miguel, matagal nang walang koneksiyon ng kuryente ang kaniyang bahay. Kandila at solar panel nalang ang ginagamit nila.

Nagtamo naman ng first degree burn ang 3 tao na nakatira sa bahay ni Miguel.

Tatlo ang nagtamo ng minor injury sa sunog pic.twitter.com/rVITXYIaUB

— Fred Cipres (@RPfredcipres) January 23, 2019

Ayon sa Bureau of Fire Protection (BFP), umabot sa ikalawang alarma ang sunog. Naapula ito makalipas ang 2 oras.

Tinatayang nasa P1.5 milyon ang halaga ng pinsala ng sunog. - ulat ni Anjo Bagaoisan at Fred Cipres, ABS-CBN News