Pulis patay sa pamamaril sa QC

ABS-CBN News

Posted at Jan 10 2019 01:29 AM | Updated as of Jan 10 2019 05:25 AM

MAYNILA - (UPDATE) Patay ang isang pulis matapos pagbabarilin ng hindi pa kilalang salarin sa Project 4, Barangay Marilag, Quezon City.

Kinilala ang biktima na si SPO2 Venancio Hidalgo na nakadestino sa Police Security and Protection Group sa Camp Crame.

Kuwento ni Patrick Calub, barangay secretary ng lugar, kumakain ang biktima sa isang karinderya nang biglang pagbabarilin.

Umalis agad ang gunman sakay ng motorsiklo. Nakasuot ito ng sweatshirt na orange at full face helmet.

Ayon kay Barangay Marilag Chairman Raul Addatu, mabait ang biktima at walang naging problema sa lugar.

Sa inisyal na imbestigasyon ng SOCO, nagtamo ng tama ng bala ang biktima sa batok at likuran. Nakuha sa crime scene ang ilang basyo ng bala ng kalibre .45 na baril. - ulat ni Fred Cipres, ABS-CBN News

Bisitahin ang Patrol.PH para sa iba pang mga balita.