Nahatiran ng school supplies ng Lingkod Kapamilya ang mga estudyante ng Pondol Elementary School sa bayan ng President Roxas, Capiz.

Nabigyan ng mga notebook, papel at ballpen, bukod sa iba pa, ang mga batang nasa kindergarten hanggang grade 6.

Watch more in iWantv or TFC.tv

Bukod sa school supplies, nabigyan din ng teaching kit at iba pang office supplies ang mga guro ng paaralan.

Ang tulong ay tugon ng Lingkod Kapamilya sa panawagan ng mga guro na bagong school supplies matapos malubog sa baha ang kanilang eskuwelahan dahil sa bagyong Ursula.

Sa kabuuan, higit 7,000 pamilyang biktima ng bagyong Ursula na ang nahahatiran ng tulong ng Lingkod Kapamilya.

—Ulat ni Bernadette Sembrano, ABS-CBN News