Patay ang isang kagawad ng barangay matapos barilin ng riding-in-tandem, Miyerkoles ng hapon sa bayan ng Naval sa Biliran.

Nakilala ang biktima na si Romeo “Rome” Berdida, 55-anyos, at dating kagawad ng Barangay Larrazabal.

• Mag-ina patay sa pamamaril ng pulis sa Paniqui, Tarlac

Sa imbestigasyon ng Naval Police Station, nagtamo ng tama ng bala sa likod ng ulo ang biktima na siyang dahilan ng pagkamatay nito.

Ayon sa ilang mga saksi, nakarinig sila ng magkasunod na putok ng baril at huli na nilang nalaman na naging target pala ang dating kagawad.

Nakuha sa crime scene ang dalawang basyo ng hindi pa matukoy na kalibre ng baril.

Patuloy din ang isinasagawang imbestigasyon ng awtoridad tungkol sa krimen.