Oobligahin na ulit magpresenta ng negatibong resulta ng RT-PCR test ang mga turistang magbabakasyon sa Boracay.

Ayon sa utos na inilabas nitong Miyerkoles ni Aklan Governor Florencio Miraflores, kailangan na ulit magpakita ng negative RT-PCR test result na kinuha 72 oras bago pumasok sa isla ang turista.

Epektibo ang patakaran simula Linggo, Enero 9.

Muli ring magpapatupad ng curfew sa Boracay simula alas-10 ng gabi hanggang alas-4 ng madaling araw.

Ipinatupad ang muling paghihigpit sa sikat na tourist destination matapos tumaas ulit ang mga kaso ng COVID-19 sa Pilipinas, na pinaniniwalaang dahil sa mas nakahahawang omicron variant.

Nobyembre nang alisin ang RT-PCR test bilang requirement para sa mga fully vaccinated na turistang papasok ng Boracay.

• Boracay waives RT-PCR test for fully-vaxxed tourists starting Nov. 16
• Tourism pause helps Filipinos clean up Boracay in rare chance at recovery

— Ulat ni Rolen Escaniel

RELATED VIDEO

Watch more in iWantv or TFC.tv