Watch more News on iWantTFC

Tatagal pa nang halos 2 linggo bago tuluyang maibalik sa normal ang supply ng tubig sa ilang lugar sa Cavite at southern Metro Manila na nakakaranas ngayon ng water service interruption, sabi ngayong Martes ng Maynilad.

Libo-libong residente ang apektado ng service interruption bunsod umano ng nasirang sludge removal equipment sa treatment plant ng Maynilad sa Putatan, Muntinlupa.

Ayon sa abiso ng water concessionaire, hanggang Enero 15 pa ang pagsasaayos nito kaya magpapatuloy ang kakulangan ng tubig sa 6 na bayan sa Cavite, Las Piñas, Muntinlupa at Parañaque.

Naglabas umano ang kompanya ng schedule ng water service interruption sa mga naturang lugar.

Tiniyak ng Maynilad na nakikipag-ugnayan sila sa mga lokal na pamahalaan para madagdagan ang water tankers na umiikot sa mga apektadong lugar habang inaayos ang nasirang equipment sa planta.

Humingi rin ng paumanhin ang Maynilad sa abalang dulot ng service interruption.

— Ulat ni Raffy Santos, ABS-CBN News