PatrolPH

'Vegan-friendly' na malunggay cake, ibinida ng GenSan-based chef

Jay Dayupay, ABS-CBN News

Posted at Sep 24 2019 05:05 PM | Updated as of Sep 24 2019 05:21 PM

'Vegan-friendly' na malunggay cake, ibinida ng GenSan-based chef 1
Naghahanap ka ba ng vegan-friendly na panghimagas? Maaaring bumuo ng malunggay cake na pawang gawa sa mga plant-based ingredients. Jay Dayupay, ABS-CBN News

GENERAL SANTOS CITY -- Naghahanap ka ba ng vegan-friendly na panghimagas? 

Sa halagang P400, maaari kang bumuo ng malunggay cake, na pawang gawa sa mga plant-based ingredients. 

Ibinahagi ito ng chef na si Elpi Jugalbot III, isang vegan chef. 

Ayon kay Jugalbot, siksik sa sustansiya ang pagkain ng malunggay. Mahuhumaling din aniya rito ang mga batang ayaw kumain ng gulay. 

"Most of the cakes out there are high in bad cholesterol but ours is rich in omega 3. Malunggay has 90 nutrients, 47 anti-oxidants, 36 anti-inflammatory compounds, rich in protein, fiber and many more. Whatever you like, whatever you want, you have it in our very own malunggay," pahayag ni Jugalbot. 

Narito ang mga sangkap

  •  Cake flour
  •  White coconut sugar
  •  Malunggay poweder
  •  Baking soda
  •  Asin
  •  Soya milk 
  •  Chia seeds
  •  Vanilla oil
  •  Plant-based butter mixture

Paraan ng pagluluto

Ilagay sa mixer ang cake flour, white coconut sugar, malunggay powder, baking soda at asin. Haluin. 

Isusunod ang soya milk, at chia seeds at haluin. Ang chia seeds ang magsisilbing pamalit ng itlog. 

Ilagay ang plant-based butter mixture. 

Ilagay sa pan at i-bake sa loob ng 40 hanggang 45 minuto sa isang 140 hanggang 180 degrees na oven. 

Lagyan ng coco icing. 

Maaari nang ihain ang malunggay cake 

Pwedeng gumamit ng coco icing sa paggawa ng palamuti sa cake.
 

Bisitahin ang Patrol.PH para sa iba pang mga balita.