Watch more in iWantv or TFC.tv

Gusto mo bang kumain ng pork steak o beef steak pero isda lang ang laman ng inyong freezer?

Kung walang karneng baboy o baka, maaari mong subukan ang fish steak, na masustansiya ring alternatibo sa pork at beef steak.

Bumisita sa “Umagang Kay Ganda” nitong Miyerkoles ang guest kusinero na si Mart de Belen para ibahagi kung paano gawin ang putaheng ito.

Ihanda lamang ang mga susunod na sangkap:

• 1/2 kilo ng bangus belly
• Sibuyas
• Calamansi
• Luya
• Bawang
• Toyo
• Tubig
• Mantika

Paraan ng pagluluto:

Sa isang kawali, i-prito ang magkabilang bahagi ng bangus belly hanggang sa maging golden brown. Isantabi.

Sa parehong kawali, lutuin ang bawang hanggang maging light brown.

Ilagay ang toyo, tubig, at calamansi juice. Haluin.

Ilagay ang piniritong bangus, luya, at sibuyas. Takluban at lutuin nang 3-5 minuto.

Maaari nang ihain ang fish steak.