Kauna-unahang Mindanao fruit festival sa Baguio, dinagsa

Micaella Ilao, ABS-CBN News

Posted at Aug 25 2019 01:58 PM | Updated as of Aug 25 2019 01:59 PM

BAGUIO CITY - Dinagsa ng mga mamimili ang unang MinDA Fruit Festival sa Baguio, Linggo.

Ibinenta sa mababang halaga ang mga prutas mula Mindanao tulad ng durian, marang, rambutan, lansones at mangosteen sa kahabaan ng Session Road.

Ayon sa Mindanao Development Authority, inilunsad ito upang matulungan ang mga magsasaka sa Mindanao at palawakin ang kanilang market.

Inaasahan na ang ilang prutas na tubong Benguet ay ititinda rin sa Mindanao sa mga susunod na araw.

Bisitahin ang Patrol.PH para sa iba pang mga balita.