TINGNAN: Pagpugay kay Hidilyn Diaz ng isang artist, idinaan sa bread art

ABS-CBN News

Posted at Jul 27 2021 10:29 AM

TINGNAN: Pagpugay kay Hidilyn Diaz ng isang artist, idinaan sa bread art 1
Gumawa ng bread art ang artist na si Jaypee Bacera Magno bilang pagpugay kay Hidilyn Diaz na nanalo ng unang ginto sa Tokyo Olympics. Larawan mula kay Jaypee Bacera Magno

Ibinahagi ng 22-anyos na seaman mula sa Iloilo City ang kaniyang ginawang bread art bilang pagpugay kay Hidilyn Diaz, ang atletang Pilipino na nakasungkit ng unang ginto sa Tokyo Olympics.

Gumamit si Jaypee Bacera Magno ng sliced bread, chocolate at hazelnut spread at toothpick.

Natapos ni Magno ang kaniyang obra sa loob lamang ng halos isang oras. 

Ayon kay Magno, bilib siya kay Diaz sa ipinakita nitong lakas at tapang upang makamit ang gintong medalya.

"Kasi sobrang nakaka-inspire po yung journey niya as weightlifter since nag-join siya sa Olympics. Kahit pinagsalitaan siya ng masama ng kapwa Pilipino noong humingi siya ng tulong, 'di siya sumuko para makamit ang gintong medalya na hinahangad niya para sa Pilipinas," sabi ni Magno sa mensaheng ipinadala nito.

- Ulat ni Sharon Evite