RECIPE: Ginataang manok with papaya

ABS-CBN News

Posted at Jul 25 2019 12:02 PM

Watch more in iWant or TFC.tv

Swak na swak ngayong tag-ulan ang mga mainit at masasabaw na pagkain. 

Kaya naman maaari mong subukang magluto ng ginataang manok with papaya na makrema, malasa, at masustansiya pa. 

Bumisita sa "Umagang Kay Ganda" ngayong Huwebes ang guest kusinero na si Teddy Topuz para ibahagi kung paano magluto ng ginataang manok na may papaya. 

Narito ang mga sangkap: 
• Manok
• Sili
• Siling berde
• Kakang gata
• Tanglad
• Dahon ng malunggay
• Papaya
• Luya
• Mantika
• Bawang
• Sibuyas
• Patis
• Chicken stock

Paraan ng pagluluto: 

Maggisa ng bawang, sibuyas at luya bago isangkutsa dito ang manok.

Pagkatapos isangkutsa, isama na ang sili, papaya, tanglad at chicken stock. Haluing mabuti.

Pagkahalo, ilagay ang kakang gata. Hayaan nang 15 hanggang 25 para mapalakas ang lasa ng gata sa manok.

Ilagay ang dahon ng malunggay, isang minuto bago hanguin sa kalan.

Maaari nang ihain ang ginataang manok with papaya. 

Bisitahin ang Patrol.PH para sa iba pang mga balita.