Watch more in iWantv or TFC.tv

Gusto mo ba ng twist sa niluluto mong torta kapag umaga?

Kung hanap ay masustansiya't simpleng putahe, maaaring subukan ang tortang dulong na masagana sa calcium at protina.

Bumisita sa "Umagang Kay Ganda" ang guest kusinera na si Josephine Besa para ibahagi kung paano lutuin ang tortang dulong.

Ihanda lamang ang mga susunod na sangkap:

• Dulong
• Bell Pepper
• Sibuyas
• Bawang
• Itlog
• Mantika

Paraan ng pagluluto:

Hugasan ang dulong at salain sa isang strainer.

Maggisa ng bawang at ilagay ang dulong

Timplahan ng asin at paminta. Haluin nang mabuti.

Ilagay ang sibuyas at bell pepper.

Ihalo ang itlog at iporma sa gustong hugis at iprito.

Maaari nang ihanda ang tortang dulong.