ALAMIN: Bakit madalas ang ubo, sipon kapag tag-ulan?

ABS-CBN News

Posted at Jul 05 2019 05:45 PM

Watch more in iWantTFC

Mas madalas tayong dapuan ng ubo o sipon kapag tag-ulan o rainy season.

May paliwanag sa likod nito, ayon sa pulmonologist na si Maricar Limpin sa "Good Vibes" ng DZMM.

Ayon kay Limpin, ang sipon o common cold ay sanhi ng pagkakaroon ng rhinovirus, na mas mabilis kumalat tuwing malamig ang panahon.

"'Pag kasi sa ganitong panahon, mas may tendency sila na mas nabubuhay at mas mabilis na dumadami," ani Limpin.

"The cold per se is not really the reason why we are getting infection. It only provides an environment na mas mabilis maging virus," dagdag niya.

Ayon pa kay Limpin, mas madaling makuha ang sipon kung mahina ang katawan ng tao.

Ipinapayo ng doktor na agad na bigyang pansin ang ubo at sipon para hindi ito lumala.

Maaaring mauwi, ayon kay Limpin, sa mas malalang sakit gaya ng pneumonia ang ubo at sipon kapag bumaba na ang virus na nakuha sa baga ng pasyente.

Bisitahin ang Patrol.PH para sa iba pang mga balita.