Watch more News on iWantTFC

Hindi biro ang sakripisyo at pagpupursigi ng mga estudyante ng Mabaldog Elementary School sa Gabaldon, Nueva Ecija upang makapag-aral.

Dalawang oras ang kanilang binubuno upang makarating sa naturang paaralan na isang last mile school o eskwelahang malayo sa kabihasnan.

Hindi lang distansya ang kanilang pagsubok, kundi pati rin ang mga ilog na minsan ay tumataas ang tubig at mga bundok na kailangang akyatin.

Kinakansela rin ang pasok kapag sobrang taas na ng tubig sa mga ilog, lalo na kapag umuulan.

Hindi rin madali para sa mga guro na makarating sa naturang paaralan dahil bukod sa malayo, lubak din ang daan.

Bilang tulong, naghatid ang Lingkod Kapamilya ng mga kapote sa mga bata bilang panangga sa ulan.

--Ulat ni Jeff Canoy para sa programang "Tao Po" (Hunyo 25, 2023)