Kasaysayan, mabibisita at ‘matitikman’ sa bahay ng ‘Katipunero’ | ABS-CBN

ADVERTISEMENT

dpo-dps-seal
Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!

Kasaysayan, mabibisita at ‘matitikman’ sa bahay ng ‘Katipunero’

Kasaysayan, mabibisita at ‘matitikman’ sa bahay ng ‘Katipunero’

ABS-CBN News

 | 

Updated Jun 13, 2017 03:41 AM PHT

Clipboard

Bukod sa sikat na bakasyunanan, mayaman din sa kultura ang bayan ng Taal sa Batangas.

Isa sa mga itunuturing na makasaysayang lugar doon ang antigong bahay ng pamilya Goco. Itinayo ang bahay noong 1876, mahigit 100 taon na ang nakalilipas, at panahon pa ng mga Kastila. Bahay iyon ni Juan Cabrera Goco, ang ingat-yaman o treasurer ng Katipunan.

Antigong Bahay ng isang 'Katipunero' sa Taal, Batangas

Ngayo’y nasa pangangalaga ito ng apo ni Juan Cabrera na si Pio Goco. Taong 1999 nang isaayos ng mga magulang ni Pio ang bahay. Noong 2001, idineklara iyong ‘National Ancestral House’.

Noong panahong iyon din sinimulan ni Pio na ayusin ang bahay na sa una'y pampalipas oras o ‘hobby’ niya lang. Hanggang sa nagbibigay na siya ng weekend tours noong 2013 para maibahagi ang kultura at pamana ng kaniyang ninuno. Nang dumami na ang mga gustong bumisita, naging araw-araw na ang schedule.

ADVERTISEMENT

Isang silid sa loob ng antigong bahay ng isang 'Katipunero' sa Taal, Batangas

Ayon kay Pio, marami siyang mga naungkat na natagong gamit mula sa kaniyang mga magulang at ninuno. Kabilang sa mga nahanap niyang natatagong yaman ng bahay ang mga antigong kubyertos.

Mga antigong gamit sa kainan na tampok sa bahay ng isang 'Katipunero' sa Taal, Batangas

Ginamit pa raw iyon ng kaniyang mga ninuno tuwing may pagtitipon o okasyon. Kaya di malayong ginamit din ang mga kubyertos ng mga rebolusyonaryo noon. Ngayon, ipinapagamit na rin ito sa mga sumasama sa tour ng matandang bahay. Tampok din kasi sa tour ang pagsasalo sa hapag para matikman ang iba't ibang nakasanayang lutong Taalenyo.

Bukas ang Goco ancestral house mula alas-11 ng umaga hanggang alas-5 ng hapon. May entrance fee itong P1,500.

-- Ulat ni Migs Bustos, ABS-CBN News

ADVERTISEMENT

ADVERTISEMENT

It looks like you’re using an ad blocker

Our website is made possible by displaying online advertisements to our visitors. Please consider supporting us by disabling your ad blocker on our website.

Our website is made possible by displaying online advertisements to our visitors. Please consider supporting us by disabling your ad blocker on our website.