Watch more in iWantv or TFC.tv

Malinamnam na "pork ala pobre" ang isa sa mga puwedeng ipabaon sa estudyanteng magbabalik-eskuwela simula susunod na linggo.

Bumisita sa programang "Umagang Kay Ganda" nitong Huwebes si Chef Ligaya Pineda-Dela Cruz upang ituro ang pagluluto ng nasabing putahe.

Ihanda lamang ang mga sumusunod na sangkap:

• 1 kilo ng baboy
• 2 tablespoons ng mantika
• 4 na ulo ng bawang
• 2 tablespoons ng butter
• 2 tablespoons ng harina
• 1 tasa ng sabaw ng pinakuluang baboy

Narito ang paraan ng pagluluto:

Ibabad ang baboy sa asin at paminta.

Iprito ang baboy hanggang sa mamula-mula. Itabi pagkatapos.

Gisahin ang bawang hanggang sa maluto at itabi.

Sa paggawa ng sarsa, ilagay ang butter at ang harina. Haluin nang maigi hanggang sa maluto ang harina.

Ilagay ang sabaw ng pinakuluang baboy at hinaan ang apoy hanggang sa kumulo.

Ihain at lagyan ng asin at paminta para sa dagdag na lasa.