'Pantawid ng Pag-ibig': Tricycle drivers sa Caloocan hinatiran ng relief packs

ABS-CBN News

Posted at May 22 2020 05:58 PM

MAYNILA - Dahil sa lockdown sa Metro Manila, dalawang buwan natigil ang pasada ng mga tricycle driver, ngayong suspendido ang pampublikong transportasyon para mapigilan ang pagkalat ng coronavirus disease 2019 (COVID-19) 

Kabilang dito ang mga tricycle driver sa Barangay Bagong Silang sa Caloocan City. 

Kamakailan lang ay pinayagan silang bumiyahe ulit, pero dalawang beses lang sa isang linggo. 

Para sa tricycle driver na si Nestor Calo, matatagalan pa para makabalik sa normal ang kanilang pamumuhay. 

"‘Yung binigay samin na relief goods talagang tinitipid kasi hindi kami nakakabiyahe at wala rin pangbili,” ani Calo. 

Masakit naman para sa pangulo ng kanilang toda na si Manly Bayaban ang makita ang kalagayan ng mga kapwa-driver na naghihirap habang walang pasada. 

May pagkakataon daw na lumapit na sa kaniya ang iba nilang miyembro para manghingi ng bigas. 

"Dumating sa punto na yung miyembro talaga namin na walang-wala, inaabutan ko... Pangsaing na namin, iaabot ko para kahit papaano may makain sila," ani Bayaban. 

Isa ang Caloocan sa mga hinatiran ng relief packs sa pamamagitan ng "Pantawid ng Pag-ibig" ng ABS-CBN, at kabilang sa mga nabasbasan ng tulong ang mga tsuper. Aabot sa 1,500 pamilya ang natulungan ng kampanya sa siyudad. 

Nadalhan din ng kampanya ng mga sabon at kape ang mga frontliner sa siyudad. 

Malaki ang pasasalamat ng mga tricycle driver sa naihatid na tulong sa kanila. 

"Nagpapasalamat kami. Sa nagbigay ng tulong. Malaking bagay sa amin ito. Makakatawid ng gutom," ani Calo. 

Hangad naman ni Bayaban na maibalik na sa ere ang ABS-CBN lalo na’t marami itong nahahatiran na tulong. 

"Sana sa awa ng panginoon ay makabalik ang ABS-CBN sa ere… Kasi marami po silang natutulungan, hindi lang po ako kahit ibang tao alam naman iyon," ani Bayaban. 

Nais namang pasalamatan ng ABS-CBN ang mga sumusunod na supply sponsor na lumahok sa Pantawid ng Pag-ibig campaign:

  • Century Pacific Food, Inc.
  • Rebisco
  • Suy Sing Corporation
  • Lucio Tan Group, Inc
  • McDonald’s
  • Safeguard
  • Quick Chow Noodles
  • Great Taste 3 in 1
  • Sunsilk Shampoo
  • Mega Sardines
  • Generika Drugstore
  • Champion Detergent
  • Unilab
  • Ritemed
  • Hana Shampoo
  • Coca-Cola
  • Colgate Palmolive
  • Kopiko
  • Ligo Sardines
  • CDO Foodsphere
  • IPI
  • Lucky Me

Nagpapasalamat din ang ABS-CBN sa mga sumusunod:

  • Accredited Service Providers Association of Pagcor (ASPAP)
  • Intermed Marketing Phils, Inc
  • Motortrade Life and Livelihood Assistance Foundation Inc.
  • Pampanga's Best
  • RFM Fiesta Pasta
  • Wilcon Depot
  • Aboitiz Group
  • Benby Enterprises Inc.
  • Bistro Group
  • Champion Detergent Bars
  • Coca-Cola
  • Green Cross
  • Greenwich Binondo Branch
  • Hanabishi
  • Jollibee Binondo Branch
  • Chowking Binondo Branch
  • Kenny Rogers Roasters
  • Lemon Square
  • Master Sardines
  • Nature’s Spring
  • NutriAsia
  • Philippine Egg Board Association
  • Poten-Cee
  • Silka Soap
  • Starbucks Philippines
  • Sun Life Foundation
  • Tolak Angin
  • Century Pacific Foundation
  • JP Morgan
  • Suy Sing Commercial Corporation
  • Ajinomoto
  • Beautederm Corporation
  • Cebuana Lhuillier Foundation Inc
  • Deli Mondo Food Specialties Inc
  • JAKA Group
  • GCash
  • Lazada
  • P&A Grant Thornton Foundation Inc
  • PICPA Metro Manila
  • Rotary Club of Makati
  • SC Johnson
  • SEAOIL
  • TIM IT Company

Nagpasalamat din ang kompanya sa Armed Forces of the Philippines, Air21, Entrego, Air Power, Grab Bayanihan, at Mober na tumulong sa paghahatid ng mga ayuda, at sa Lazada na nagsilbing payment partner.

Kung nais pang tumulong sa kampanya, maaaring ipaabot ang tulong-pinansiyal dito:

-- Ulat ni Bernadette Sembrano, ABS-CBN News

Bisitahin ang Patrol.PH para sa iba pang mga balita.