Hindi lang pang-adobo ang suka at toyo. Puwede ring magamit sa ehersisyo ang malalaking bote ng dalawa sa paboritong sangkap sa pagluluto sa bahay.

Sa kusina o saan man sa bahay, kunin muna ang suka at toyo at gamitin ang mga ito na parang weights o dumbbells na mabisang tumutulong para magkaroon ng hugis ang iba’t ibang bahagi ng katawan.

Ang arms na gusto nating maipakita nitong tag-init dahil maraming pagkakataon tayong makapag-sleeveless na pangtaas ay mapapaganda sa bicep curls.

Eksakto ang hawakan ng mga bote para rito.

Sampung ulit lang ang kailangan, o hanggang naramdaman na ang pump.

Isunod ang tricep curls para ma-workout ang buong braso. Masakit pero masarap at maganda ang resulta na sexy arms.

Magpahinga ng ilang segundo kapag napagod ang muscle at ituloy na muli ang workout.

Pangatlong galaw ang shoulder press, hawak pa rin ang suka at toyo. Magpatuloy lamang.

Ipahinga ang upper body at mag-squats, mas malalim na squat, mas mainam. Mararamdaman ang epekto sa glutes at legs.

Para pa rin sa pagpapakundisyon ng lower body, subukan ang deadlift, hawak pa rin ang mga bote ng suka at toyo.

Sa galaw na ito nagiging firm ang likod ng legs o ang hamstring.

Sundan lang ang video para sa variation nito.

Ulitin ang buong routine ng hanggang dalawa o tatlong beses bago mag-boxing, cool down para sa isang mabilis, mura, at epektibong , body toning workout.