PatrolPH

Tricycle driver sa Pampanga, hinangaan sa pagsauli ng wallet ng pasahero

ABS-CBN News

Posted at Mar 27 2021 04:22 AM

Tricycle driver sa Pampanga, hinangaan sa pagsauli ng wallet ng pasahero 1
Hinangaan si Darwin Bansil, isang tricycle driver sa Guagua, Pampanga sa pagiging matapat nito.

Buo at kumpleto mula sa mga card, lisensya, at cash na humigit kumulang P30,000 ang halaga. 

Ganito isinauli ang wallet ni Richard Pangilinan ng driver ng nasakyan niyang tricycle sa bayan ng Guagua, Pampanga noong March 20.

Sa post sa social media ng kasama ni Richard, sinabi nitong itinuturing nilang Good Samaritan ang driver ng sinakyang tricycle.
Pinuri niya ang kabutihan ng driver na sa kabila ng hirap ng buhay na dala ng pandemya, namayani parin ang pagiging matapat nito.

Natuwa naman ang pamilya ng tricycle driver na si Darwin Bansil, lalo na ang kanyang asawa't mga anak, sa pagkakilala sa kaniya.

“'Yan ang asawa ko mapagkakatiwalaan ng kahit na sinong tao," ani Fria, asawa ni Bansil.

Inulan din ng magagandang komento ang nasabing post.

Saludo rin ang lokal na pamahalaan ng Guagua sa katapatan ng tricycle driver, na hinikayat ang iba pa driver na tularan din ang kagandahang asal niya.--Ulat ni Gracie Rutao


MULA SA ARKIBO

Watch more on iWantTFC
Bisitahin ang Patrol.PH para sa iba pang mga balita.