Watch more in iWantv or TFC.tv

Patok sa mga Ilokano ang putaheng dinaldalem, ang kanilang bersiyon ng igado, o pork and liver stew kung tawagin sa Ingles.

Maaari mong subukang gawin ito sa inyong kusina.

Bumisita sa programang "Umagang Kay Ganda" ngayong Miyerkoles ang guest kusinero na si Joseph Jericho Sebastian para ibahagi kung paano magluto ng dinaldalem.

Narito ang mga sangkap:

• ½ kilo laman ng baboy
• ¾ kilo atay ng baboy
• 1 lata 16 oz. green peas
• 3 piraso dahon ng laurel
• 1 red bell pepper
• 1 green bell pepper
• 1 medium sibuyas
• 4 cloves bawang
• 4 kutsara toyo
• 2 kutsara suka
• ¼ kutsarita durog na paminta
• 1 kutsarita brown sugar
• 1 ½ cup tubig
• 6 kutsara annatto cooking oil
• Asin
• 1 piraso carrots
• Oyster sauce (optional)

Paraan ng pagluluto

• Ihawin ang baboy at atay ng baboy saka hiwain ng pahabang maliliit.
• Igisa ang bawang at sibuyas.
• Ilagay ang inihaw na baboy at atay ng baboy hanggang maging light brown ang hitsura.
• Lagyan ng toyo at tubig, hayaang lumambot ang baboy.
• Ilagay ang dahon ng laurel, asin at paminta. Hayaang maluto nang 10-15 minuto.
• Timplahan ng suka at ilagay ang carrots.
• Ilagay ang green peas, red at green bell pepper.
• Ihain na ang dinaldalem.