Watch more in iWantv or TFC.tv

Mainit at malinamnam ang batchoy Tagalog kaya isa ito sa mga comfort food na paboritong kainin ng maraming Pinoy, lalo kapag malamig ang panahon.

Sa programang "Umagang Kay Ganda," tinuro ni Ria Buatis, may-ari ng restoran na Uno Mesa, ang paraan ng pagluto ng batchoy Tagalog.

Bago mag-umpisa sa pagluluto, tiyaking handa ang mga sumusunod na sangkap:
• 1 pirasong sibuyas
• 1 pirasong bawang
• 1/2 piraso ng luya
• 1/2 kilo ng liempo
• 1/2 kilo ng atay ng baboy
• 2 kutsarang patis
• 2 piraso ng green bell pepper
• 1 tali ng dahon ng sili
• 1 litrong tubig
• Asin
• Paminta

Narito naman ang paraan ng pagluluto:
• Igisa ang luya, sibuyas at bawang
• Idagdag sa ginisang mga sangkap ang baboy at atay, at bahagyang prituhin
• Lagyan ng isang litrong tubig ang mga sangkap
• Pakuluan ang pinaghalo-halong sangkap hanggang lumambot, at maluto ang baboy at atay
• Kapag luto na, timplahan ng patis, asin, at paminta saka muling pakuluan
• Huling ilagay ang green pepper at dahon ng sili