Watch more in iWantv or TFC.tv

Nakatikim ka na ba ng kalderetang hindi ginamitan ng tomato sauce, tomato paste, o kahit anong sangkap na may kamatis?

Para sa mga Batangueño, posible ang ganitong bersiyon ng kaldereta.

Bumisita sa "Umagang Kay Ganda" nitong Huwebes ang guest kusinera na si Madonna Arce para ibahagi kung paano lutuin ang Kalderetang Batangas.

Narito ang mga sangkap

• 1/2 kilo karne ng baboy (binakbakan o pork ribs)
• 2 kutsara margarine
• 5 piraso ng sibuyas (ginayat)
• 1/2 clove bawang (dinikdik)
• 1 kutsara achuete powder
• 1/4 tasa pickle relish
• 1 maliit na lata ng liver spread
• 1 kutsarita pamintang durog
• 2 kutsara toyo
• 2 kutsara oyster sauce
• 1/2 tasa keso
• 1 sili labuyo
• 1 tasa bread crumbs (optional)

Paraan ng pagluluto

Igisa ang bawang at sibuyas sa margarine, isunod ang achuete powder bago isangkutsa ang karne.

Timplahan ng toyo, oyster sauce, pamintang durog at pickles.

Hayaang kumulo hanggang maging parang sarsa ang sibuyas.

Kapag malambot na ang karne, ilagay ang liver spread, siling labuyo at keso. Hayaang matunaw ang keso.

Maaaring lagyan ng bread crumbs kung nais na mas malapot pa ang sarsa.

Maaari nang ihain ang Kalderetang Batangas.