Mga magsasaka sa Nueva Ecija, tinulungan ng 'Iba 'Yan'

ABS-CBN News

Posted at Nov 15 2020 08:24 PM

MAYNILA - Binisita ng aktres na si Angel Locsin at ng "Iba 'Yan" ang mga magsasaka sa bayan ng Licab, Nueva Ecija.

Nakilala ng Iba Yan sina Andie at Ace Estrada ng Rural Rising Philippines, isang grupo na tumutulong sa mga magsasaka sa bayan ng Licab.

Ayon kay Ace, nagsimula ang Rural Rising nang makita nila ang mga magsasaka sa Benguet na namimigay na ng gulay dahil sa oversupply.

Ayon kay Catalina Dela Peña, ang manager ng The Annunciation Farmers Agricultural Coop, malaki ang naitulong sa kanila ng mag-asawang Estrada para maibenta ang kanilang mga ani.

Aminado siya na naapektuhan ang kanilang kabuhayan dahil sa pandemya. May mga iba rin umanong binibili sa mas mababang presyo ang kanilang mga ani.

Sa tulong ng mga donors, nabigyan ng relief packs, Ligtas Bags at iba pang ayuda ang mga magsasakang miyembro ng kooperatiba.

Narito ang kanilang kuwento.

Watch more News on iWantTFC