Watch more in iWantv or TFC.tv

MAYNILA — Nagkampeon nitong Sabado ang Team Vice Ganda sa Magpasikat 2019 na parte ng ika-10 anibersaryo ng noontime show na "It's Showtime."

Nanalo ng P1 milyon ang grupo ni Vice Ganda kasama ang Miss Q&A queens dahil sa makahulugang performance na nakasentro sa "hair story" at "self-love."

Magpasikat 2019 Grand Champion - Team Vice with the Miss Q&A Queens! #MagpasikatGrandChampion pic.twitter.com/kFsI192g6c

— ItsShowtimeNa (@itsShowtimeNa) October 26, 2019

Second runner-up naman ang futuristic performance ng team nina Vhong Navarro at Mariel Rodriguez matapos nilang mag-ala mandroids.

Hatid nila ang mensahe na kahit lumipas ang maraming panahon ay makakahanap sila ng paraan na mapasaya ang madlang pipol.

Third runner-up naman ang team nina Anne Curtis at Amy Perez dahil sa kanilang buwis-buhay acrobatic performance, na binalikan ang masasaya at malulungkot na pinagdaanan ng "It's Showtime" sa loob ng 10 taon.

Planong i-donate ng Team Vice ang pera para sa mga may alopecia.

Nanalo naman ng P700,000 ang Team Vhong at Mariel, habang nanalo ng P600,000 ang Team Anne at Amy, na ilalaan sa mga napili nilang charities.

—Ulat ni MJ Felipe, ABS-CBN News