Watch more in iWantv or TFC.tv

MANILA -- Naging bukas ang host na si Raymond Gutierrez sa dahilan kung bakit hindi niya pinasok ang pagiging aktor tulad ng kanyang kakambal na si Richard Gutierrez.

Sa "Magandang Buhay" nitong Martes kasama ang kanyang ate na si Ruffa Gutierrez, sinabi ni Raymond na sarili niyang desisyon na umiba ng karera.

"Noong bago akong balik dito galing sa States, actually pinu-push ako ng mom ko to be an actor. Kasi siyempre may mga offer, si Chard was doing so well. Parang kung gusto ko raw ba maging artista? ...Ang pag-aartista hindi basta-basta lang pinapasok 'yan. You need to have the proper skill, kailangan mentally prepared ka at physically prepared ka sa taping na hanggang madaling araw. Eh ako noong time na 'yon, hindi ko kaya 'yung taping na hanggang madaling araw," pagbabalik-tanaw ni Raymond.

"Sabi ko I want to do hosting. Kasi that's more of where I see myself. So talagang nag-aaway kami ni mommy noon. Kasi gusto niya as my manager maging artista ako. Kasi siyempre kapag may soap, kapag may movie, eh tuloy-tuloy. Eh ang hosting once in a while lang if you could have a break," dagdag ni Raymond.

Ayon kay Raymond, ipinaglaban niya kung ano ang sa tingin niya ay dapat para sa kanya at nakiusap siya sa kanyang ina na si Annabelle Rama na pagkatiwalaan siya sa kanyang desisyon na maging isang host.

"Ako talaga I fought for what I wanted. Sabi ko, 'Mom, trust me, dapat iba kami ng lane ni Chard. Siya rito, ako rito.' At nung nag-trust siya sa akin tingnan mo ang nangyari parang mas happy kaming lahat," ani Raymond na iginiit na kahit ano pang pagkukumpara ang ginawa sa kanila noon ni Richard ay matatag ang kanilang relasyon bilang magkapatid.

"What's nice about our relationship ni Chard, kilala namin 'yung sarili namin. So if there are comparisons kaming dalawa, no matter what, talagang we are so supportive of each other," paliwanag ni Raymond.