Maris Racal, nagbigay reaksyon sa pag-iyak ni Loisa Andalio sa 'TWBA'

MAYNILA -- Nagbigay pahayag ang Kapamilya star na si Maris Racal sa naging maramdaming guesting ni Loisa Andalio sa “Tonight With Boy Abunda” (TWBA).

Matatandaan na naging emosyonal si Loisa habang inaalala ang kanilang naging pinagsamahan ng dating BFF.

"Actually to be honest, hindi ko talaga pinanood 'yung video," ani Maris sa naganap na set visit ng ABS-CBN News sa music video ng "Sugarol."

"Kung nami-miss niya (ako), meron namang cell phone. Alam naman niya ‘yung number ko, pwede naman mag-text," aniya

"Idaan na lang po natin sa personal na touch and sa mature na way of saying things," patuloy pa niya.

Ayon pa kay Maris, handa pa rin naman siyang umalalay kay Loisa kung kailanganin siya nito.

 

 

 

 

View this post on Instagram

 

 

 

 

 

 

 

 

 

 

 

A post shared by Maris Racal (@mariesteller) on Aug 24, 2017 at 3:38am PDT

"As in malapit lang naman kami nakatira and she knows I’m always here for her if she needs me. Nagte-text naman ako if may nangyari sa kanya. So idaan na lang sana sa mas mature na way and kilala namin ang isa’t-isa and alam namin kung ano ‘yung totoo," pahayag pa niya.

Sa huli, hiling lang ni Maris na hindi na lumaki pa ang isyu sa kanilang dalawa at mapag-usapan ang kanilang hindi pagkakaintindihan.