Watch more in iWantv or TFC.tv

MAYNILA -- Muling pumirma ng exclusive recording contract si Lani Misalucha sa Star Music nitong Lunes.

View this post on Instagram

A post shared by Star Music (@starmusicph) on Oct 15, 2018 at 2:18am PDT

Dito, isa sa napagusapan ang posibilidad na pagsasama-sama muli nila ng mga kaibiganng sina Janno Gibbs, Jaya, Ogie Alcasid at ang napipintong paglipat ni Regine Velasquez.

"Sa tagal namin na hindi nakapagtrabaho -- as in 'yung lahat kami -- of course, I'm looking forward na there's going be one venue or one avenue for us to be together," pahayag ni Lani sa naganap na contract signing.

"I don't know if that's going to happen anytime soon, but who knows? Janno, Jaya, Ogie, Lani and Regine," aniya.

Ayon pa kay Lani, hindi pa rin sila nagkakausap ni Regine matapos ang kanilang pinagsamahan na singing contest sa kabilang network.

View this post on Instagram

A post shared by Lani Misalucha (@lanimisalucha) on Oct 1, 2018 at 11:55pm PDT

"Magkasama kami, I think two weeks ago ba? 'Yun 'yung huling programa namin at pag-uusap, at magkikita kami ulit dito," masayang kuwento ni Lani.

Sa kanya namang pag-renew ng kontrata sa Star Music, inihahanda ni Lani ang isang bagong album at international concert tour kasabay ng kanyang 50th birthday.