MANILA -- Hindi napigilan ni Zsa Zsa Padilla ang maluha nang magbigay siya ng mensahe para sa kanyang anak na si Zia Quizon sa pagbisita nila sa "Magandang Buhay" nitong Martes.

Matapos purihin ang anak dahil sa galing nito sa pag-awit, hindi na napigil ni Zsa Zsa ang maging emosyonal nang maalala nito ang pangarap sa bunsong anak nila ng yumaong si Dolphy.

"You are so filled with talent. Napakabait nito. Sana mas makita pa kita sa entablado na kumakanta. I told her one touching moment, sabi ko, 'You know when you were singing, there's moment na naalala ko na sinabi ko kay Dolphy, 'I want our child to look exactly like you.' Because siyempre 'yung age difference namin is 36 years, alam ko na mauuna siya sa akin. So sabi ko, 'Gusto ko kapag nakita ko 'yung anak natin, makikita kita doon sa anak natin.' So noong kumakanta siya parang iba 'yung feeling ko, parang bumukas ang langit, that's just my expression. Pero naramdaman ko talaga na nandoon siya. Bigla kong sinabi na 'Lovey (Dolphy), this is what we were talking about so many years ago. Tingnan mo, ito na nangyari na. So I'm so glad that whenever I look at Zia, I see your face,'" ani Zsa Zsa.

Dagdag ni Zsa Zsa, nakuha din ng kanyang anak ang talentong mayroon ang komedyante na namatay noong Hulyo 10, 2012.

"I know that she's filled with talent because, talagang may pinagmanahan, sa kanya (kay Dolphy), talagang one of a kind. We love him so much and we miss him dearly," ani Zsa Zsa na walang patid sa pagluha habang inaalo ang anak na wala ding tigil sa pag-iyak.

Giit ni Zsa Zsa, hindi talaga maiiwasang maalala ang espesyal na tao na naging parte ng buhay mo.

"We just moved on with our lives no matter what but 'yun talagang naging especial sa buhay natin, nararamdaman ko na he's always with me ang daming beses talaga. Minsan nga weird and kuwento na ito pero nakikita ko pa talaga ang mukha niya, hindi lang kay Zia pero talagang ginagabayan pa din tayo sa palagay ko," ani Zsa Zsa.