MANILA -- Marami ang napasigaw ng "pak!" sa muling pagbabalik ni Maja Salvador, o Ivy Aguas, sa teleseryeng "Wildflower" nitong Lunes ng gabi.

Sino ba naman ang hindi maaaliw sa bonggang light at smoke effect na humudyat sa entrada ni Ivy Aguas, na may kasamang dance number pa?

Malayo sa inaakala ng pamilya Ardiente, hindi pala tuluyang namatay si Ivy Aguas; bagkos ay buhay na buhay pa rin siya.

"Hindi ka totoo. Patay ka na," ani Julio Ardiente (Tirso Cruz III) na halatang kinilabutan sa kanyang mga nasaksihan.

Ngumiti lamang si Ivy at sinabing patay na nga si Ivy Aguas. "Hindi patay si Lily Cruz, ako si Lily Cruz. Ako ang tunay na Lily Cruz," dagdag pa niya.

Kasama ni Lily Cruz ang isang hukbo ng gunmen na handang barilin si Julio Ardiente anumang oras. Tatapusin na umano niya ang paghahari ng mga Ardiente sa gabing iyon.

Pero gaya ng inaasahan, hindi agad matatapos ang palabas. Bagkus, nagpasikat muli si Lily Cruz, at ipinagmalaki kung bakit hindi siya naka-itim.

"Hindi ako naka-itim dahil hindi ko kayo paglalamayan. Black is out. Gold is in. And yes, just like gold, I am indestructible," aniya.

• READ: Black wedding gown ni Maja sa 'Wildflower', patok

Kasamang kinilabutan ni Julio Ardiente ang mga netizens na tumutok sa episode. Top-trending tuloy sa Twitter ang hashtag na #WildflowerIndestructible.

#WildflowerIndestructible
Me while watching Wildflower: pic.twitter.com/xIaFapq2mV

— angela💫 (@ellaaaachubby) October 9, 2017

YASSS Lily Cruzzzz!!! 👸🏻 Long Live Lily!!!! Pak na pak!! 👏🏼#WildflowerIndestructible pic.twitter.com/3gO0x4Nx6h

— The Nelson Remo (@MrNelsonRemo) October 9, 2017

Lily Cruz a.k.a Ivy Aguas is BACK! #WildflowerIndestructible pic.twitter.com/2SkMkdTiOO

— No One (@heyitskeeee) October 9, 2017

LILY CRUZ, slay us all. I’d gladly offer my cheek for you to slap, my Queen. #WildflowerIndestructible pic.twitter.com/Uydvg3WtkH

— MAJA Only Zone (@msalvadorzone) October 9, 2017

GO LILY CRUZ!!! 💛 #WildflowerIndestructible pic.twitter.com/iE6QMYxX17

— Krisma Bendaña (@mateethh) October 9, 2017

Makakamit na kaya ni Lily Cruz ang pinaka-aasam niyang paghihiganti? Tutukan ang mga susunod na episodes ng "Wildflower" bago mag"TV Patrol."