Watch more in iWantv or TFC.tv

May posibilidad na ang "The General's Daughter" na ang huling teleseryeng pagbibidahan ni Angel Locsin, sabi ngayong Huwebes ng aktres.

Sa panayam ng ABS-CBN News sa finale press conference ng serye, iginiit din ni Locsin na ayaw pa niyang magsalita nang tapos kung hindi na ba siya aarte sa teleserye.

"Baka [ito na ang huli kong teleserye]. Hindi ko pa sure. Depende 'yan sa mga tao, sa management, pag-uusapan din namin ni Neil kung ano ang plano namin," ani Locsin, na binanggit din ang kaniyang nobyong si Neil Arce.

"Baka po talaga, ayoko magsalita nang tapos pero posible," ani Locsin.

Inamin din ni Locsin na halos wala siyang stunt double sa ilang matitinding eksena para sa serye, dahilan para siya ay magtamo ng mga pasa.

"Kami naman pong lahat sa 'The General's Daughter,' ginagawa po namin stunts namin. Bihira 'yong may stunt double talaga," ani Locsin.

"May ipapalabas na humampas ako sa truck, tumalon, tapos marami pa na dahilan ng mga kapasaan ko," dagdag niya.

Magtatapos sa Oktubre 4 ang "The General's Daughter."

-- Ulat ni MJ Felipe, ABS-CBN News