MAYNILA -- Malapit na magsimula ang bagong kabanata ng "Huwag Kang Mangamba," ang primetime serye ng ABS-CBN na pinagbibidahan nina Andrea Brillantes, Francine Diaz, Seth Fedelin at Kyle Echarri.

Ito ay base sa pinakabagong trailer na inilabas ng Dreamscape Entertainment nitong Lunes sa social media.

Watch more in iWantv or TFC.tv

Sa trailer, kita ang pagpasok ng mga bagong karakter sa pangunguna ni Ian Veneracion.

Ipinakita na rin ang iba pang mga bagong bituin ng serye na sina Andi Abaya, Nash Aguas, Vivoree Esclito, Richard Quan, and Andrea del Rosario.

Gagampanan ni Veneracion ang karakter ni Elias na mapapalapit kay Mira (Brillantes). Mahihiwalay naman si Mira sa kapatid nitong si Joy (Diaz).

• Ian Veneracion, 5 other stars to join cast of 'Huwag Kang Mangamba'

Samantala, simula ngayong Martes ay aasahan ang mas mainit pang mga tagpo, lalo't nalalapit nang malaman nina Mira at Joy kung sino nga ba talaga ang may kasalanan sa pagkamatay ng kanilang ina na si Fatima (Dimples Romana).

View this post on Instagram

A post shared by Dreamscape Entertainment (@dreamscapeph)

Mapapanood ang "Huwag Kang Mangamba" gabi-gabi sa Kapamilya Channel, A2Z, TV5, Kapamilya Online Live, iWantTFC, WeTV, at iflix.

Para sa mga manonood sa labas ng Pilipinas, mapapanood ito sa The Filipino Channel sa cable at IPTV.