Quality time kasama ang kanyang anak na si Sandro ang naging schedule ni Dominic Ochoa.

Bukod sa paglalaro, isa daw ito sa paborito nilang bonding bilang mag-ama.

"We play stuff, we eat out. I bring him to sometimes sa taping mga ganyan. Basta if I don't have work we make sure 'yung quality time natin with family," ani Dominic.

Madalas din kasama ni Janice de Belen sina Alejandro at Adriana na kanyang dalawang apo sa panganay na si Luigi Muhlach.

Aminado naman si Janice na bilang lola, spoiled sa kanya ang mga ito.

"Hindi mo maiiwasan na maging spoiled sila pero siyempre napapagalitan din naman sila," ani Janice.

Dahil talented at nasa dugo ng mga bata ang pag-aartista, suportado sila ng kanilang pamilya na mag-showbiz at may blessing na din na maaga silang magsimula bilang mga artista.

"What do you want to be when you grow up?" tanong ni Dominic sa anak na si Sandro na ang sagot ay: "Artista."

"Let them study first pero sabi ko nga kay direk Frasco (Mortiz) I'll bring him one of these days sa taping ng 'Goin' Bulilit,'" pag-amin ni Dominic.

"Gusto ko man sabihin na hindi, eh sa nakikita ko kaartehan ng apo ko babae parang ganun na nga ang mangyayari," ayon naman kay Janice patungkol sa kanyang apo.

Kahit may blessing at suportado ni Dominic ang kanyang anak at ni Janice ang kanyang mga apo na sumubok mag-artista, ang kanilang edukasyon pa rin ang prioridad para sa mga ito na magagamit sa kanilang kinabukasan.