Watch more in iWantv or TFC.tv

MAYNILA — Binigyang linaw na ng aktres na si Alice Dixson ang kanyang naging kontrobersyal na birthday celebration kamakailan sa nakasaradong isla ng Boracay.

Sa naganap na media launch ng bagong Kapamilya primetime series na “Ngayon at Kailanman” nitong Lunes, nagbigay pahayag ang aktres tungkol sa kanyang naging kaarawan.

“Yes, I’m a resident there. Yes, I was there on my birthday. Yes, I did post some pictures in Instagram because natuwa lang ako, because nobody was on the beach when I was there. And I know, never 'yun mangyayari ulit sa buhay ko,” paliwanag ni Alice.

Ayon pa sa aktres, hindi rin daw niya ginusto ang mapag-usapan ang kanyang pribadong buhay dahil sa kanyang Instagram post.

Sa pahayag ng Crimson Resort and Spa Boracay, lumabas na asawa pala si Alice ng isang top executive ng resort.

• Alice Dixson in Boracay explained: She's the 'wife' of hotel executive

“I never thought that I would hear so much public outcry for that. Parang ang laki ng kasalanan ko,” ani Alice.

“In the same sense, hindi ko naman ma-explain explain, and I didn’t feel that I need to explain my personal life to the whole world,” dagdag pa niya.

“But now that it happened, alam niyo na!” masayang sabi ng aktres.