Watch more in iWantv or TFC.tv

MAYNILA -- Opisyal nang ipinakilala ng APT Entertainment ang mga bituin na magiging bahagi ng kanilang 2019 Metro Manila Film Festival entry na "Mission Unstapabol:The Don Identity."

Sa pangunguna ni Vic Sotto, inaasahan ang sanib-pwersa ng mga bituin mula sa iba't ibang network na isa sa dapat abangan sa kanilang pelikula.

MMFF 2019 entry “Mission Unstapabol: The Don Identity” holds story conference | via @simplengbinata pic.twitter.com/pbBdNXRL1r

— ABS-CBN News Showbiz (@ABSCBN_Showbiz) August 7, 2019

"Lahat kami mga Kapatid, Kapuso at Kapamilya," ani Vic sa panayam nitong Miyerkoles.

Dito, ipinakilala na rin ni Bossing ang kanyang leading lady na si Pokwang na nasabik sa kanilang muling pagsasama sa pelikula.

"Aarte pa ba ako? Vic Sotto yan! Noong nalaman ko nga napasigaw ako e. After nine years, kami ulit," ani Pokwang.

Ayon pa sa Kapamilya star, asahan ang umaapaw na komedya sa kanilang muling pagsasama ni Bossing.

Matatandaan na 2011 pa nang huling magsama sa "Pak! Pak! My Dr. Kwak" sina Pokwang at Vic.

"May lips to lips kami dito. Lalagyan ko siya ng kissmark sa gilagid, malalala 'to malalala," sabi pa ni Pokwang.

Kung tatanungin naman si Vic kung may pangamba ba siya na higitan ang kinita ng kanyang pelikula noong nakaraang taon sa MMFF na "The Puliscredibles", sagot ni Bossing: "Nakagawa na ng sariling record 'yun last year. So kaming team ang iniisip namin, ito ng bago. It has to be different, bago sa panlasa, bago sa paningin.

Bukod kay Vic at Pokwang, bahagi rin ng "Mission Unstapabol: The Don Identity" sina Jake Cuenca, Wally Bayola, Tonton Gutierez at Maine Mendoza.

"Kami ni Maine, first time namin na gaganap na hindi mag-ama. At ang totoo pa niyan, kontra pa ang aming character," ani Vic.