Watch more in iWantv or TFC.tv

MANILA -- Isang pangarap ang natupad para sa dating "Pinoy Big Brother: Otso" housemate na si Shawntel Cruz.

Sa "Umagang Kay Ganda" nitong Martes, inanunsyo ni Shawntel na mapapakinggan na ang kanyang awiting "You Are Making Me Kilig" sa Korean drama na "Gangnam Beauty" na ipapalabas sa ABS-CBN.

Kuwento ni Shawntel, isinulat niya ang awitin bago pa siya makapasok sa Bahay ni Kuya.

"'Yung song po na 'yon ay written by me po nasa outside pa lang ako at kinanta ko siya sa loob ng Bahay (ni Kuya). Na-inspire lang po ako sa lahat ng tao. 'Yung spark sa mata nila kapag kinikilig sila, mga ganun pong bagay. So 'yun po ang naging inspirasyon ko sa pagbuo nung kanta," ani Shawntel.

Ayon kay Shawntel, kung bibigyan ng pagkakataon, gusto niyang magtuloy-tuloy ang kanyang karera sa pag-awit.

"Passion ko po 'yon," ani Shawntel.