Watch more in iWantv or TFC.tv

Marami sa kanyang mga tagahanga ang nagtataka kung bakit mine-maintain pa rin ni Joross Gamboa ang mahabang balbas at bigote.

Sa panayam ng “Umagang Kay Ganda,” ipinaliwanag ni Joross na wala sa plano na patagalin ang balbas at bigote na ginamit para sa isang pelikula at kinailangang gamitin para sa continuity ng role niya sa top-rating teleserye na “Ang Probinsyano.”

“Nagtuloy-tuloy [ang mga projects]. Pumasok ako sa ‘Probinsyano’ na ganito ang look so kailangan ko panindigan dahil NPA ako doon,” aniya.

May mga sakripisyo din ang ganitong itsura, ayon kay Joross.

“Hindi ko ma-kiss ang baby ko at 'yung misis ko, ayaw ako i-kiss. Nakaktusok kasi,” biro niya.

Kaiinisan ang role ni Joross bilang Tanggol sa “Ang Probinsyano” pero bumabawi naman siya sa mga post niya sa social media.

“Medyo iba ang timpla ng character ko dito na si Tanggol. Medyo kontrabida ako dito so wala munang comedy,” aniya. “Natutuwa sila sa BTS namin na nagte-trending, mga kalokohan sa set. Nababawi naman doon.”

Ginagawa rin ni Joross ang pelikulang “Tol” na hahamon sa kanyang talento bilang artista