Watch more in iWantv or TFC.tv

MANILA -- Sa renewal ni Myrtle Sarrosa para sa kanyang endorsement, sinagot ng celebrity cosplay artist at "Pinoy Big Brother" Teen Edition 4 grand winner ang preferred niyang lalaki sakaling magkakaroon muli ng boyfriend.

Three years na ang nakaraan mula ng ma-link siya kay Bryan Poe Llamanzares.

Ngayon mas gusto ni Myrtle ang hindi taga-showbiz.

"Hindi naman sa na-trauma ako but I think better if you're with the person na kung public person ka na, I think it's better if you're with someone na hindi ganun ka high-profile," ani Myrtle.

Busy si Myrtle ngayon sa pelikulang "Wonder Bra" isang fantasy-comedy film at kuwento ng isang makabagong superhero.

"Kuwento siya ni Barbara na tuwing sinusuot nya 'yung isang bra nagiging superhero, siya nagiging ako siya. So, para siyang dating Captain Barbel parang ganun," ani Myrtle.

Biro pa ni Myrtle, naunahan niya pa ang muling paglipad ni Darna.

"Pero it's completely different. Ang gagawin namin fantasy-comedy. So iba naman ang kuwento nya," ani Myrtle.

Detalye pa ni Myrtle, walang masyadong costume changes para sa kanya sa pelikula. "Sa movie na 'yun lagi ako naka bra, kulay pink," ani Myrtle.

Kasama rin sa pelikula si Kakai Bautista at Ahron Villena.

Wala pang announced playdate ang "Wonder Bra" na target ipalabas bago matapos ang 2018.