Kim Chiu, inaming 'kabado' pa rin kahit 3 beses nang naging Star Patroller

Sa ikatlong pagkakataon, bumidang guest Star Patroller si @chinitaprincess sa #TVPatrol. #KimChiuOnStarPatrol

A post shared by ABS-CBN News (@abscbnnews) on Jun 8, 2018 at 5:32am PDT

Tila suki na ng TV Patrol bilang "Star Patroller" ang aktres na si Kim Chiu.

Nitong Biyernes, muling bumida si "Chinita Princess" sa Star Patrol segment ng TVP upang ihatid ang pinakahuling ulat sa mundo ng showbiz.

Pero aniya, kabado pa rin siya kahit madalas na siyang bumabalik sa naturang programa.

"Thank you, TV Patrol, for having me again! Nervous pa rin pero at the same time nag-enjoy po ako, sobra," aniya.

Unang naging Star Patrol si Chiu noong Oktubre 31, 2017 kung saan nag-trend pa siya sa Twitter.

• Star Patroller Kim Chiu, nag-trend sa Twitter

Buwenamano Star Patroller din nitong 2018 si Chiu matapos niyang humalili kay Gretchen Fullido noong Enero 1.

Sa kaniyang ikatlong pagbabalik bilang Star Patroller, nag-trend muli sa Twitter si Chiu na kaniya namang ikinatuwa.

happy to be your guest star patroller for tonight!!!⭐️ thank you TVPatrol for having me again! nervous prin pero at the same time nag enjoy po ako sobra!❤️ thank you also for the trend! namiss ko kayo!😘 . . . thank you @gerypenaso @haidzfernandez @pattyyap 💋

A post shared by Kim Chiu 🌸 (@chinitaprincess) on Jun 8, 2018 at 5:45am PDT

"Happy to be your guest Star Patroller for tonight...Thank you also for the trend," ani Chiu sa kaniyang mga Instagram followers.