MANILA -- Kilala siya bilang dating bokalista ng bandang Freestyle. Ngayon, nagbabalik muli si Jinky Vidal, hindi lamang bilang mangaawit.

Sa pagbisita nito sa "Umagang Kay Ganda" nitong Lunes, ibinahagi ni Jinky na nais niya ring hubugin ang kanyang talento sa pagsusulat ng mga kanta.

"Kasi I'd been singing for the longest time. So para mayroon akong maihahandog at ipresenta na bago," ani Jinky.

Ayon kay Jinky, maglalabas siya ngayong taon ng bagong awitin.

"Abangan nila yan. Excited ako kasi gawa na siya; recording na lang para may bago silang papakinggan," ani Jinky.

Para sa mga manonood ng "UKG," inawit ni Jinky ang "So Slow" na pinasikat ng Freestyle.