MAYNILA — Hindi maitago nina Jay R at Mica Javier ang saya ngayong mag-asawa na sila.

Nito lamang Marso 1 ikinasal ang dalawa sa Boracay.

Watch more in iWantv or TFC.tv

“Actually masayang sabihin I have a husband, may asawa na parang adulting talaga. Pero parang kilig na kilig kami ever since nung kasal,” ani Mica sa “Magandang Buhay” nitong Huwebes.

“Super kilig. Saka sakto nung March 1 'yung kasal namin was our seven-year anniversary rin. Sinadya talaga namin March 1 para sakto, para 'di ko makalimutan 'yung date,” ani Jay R.

“Para hindi na kami magpapalit ng anniversary,” dagdag na paliwanag ni Mica.

Kuwento ng dalawa, nasulit nila ang kanilang naging bakasyon sa Boracay pagkatapos ng kanilang kasal dahil halos ilang linggo rin silang naging abala sa preparasyon. Dagdag pa rito ang banta ng coronavirus (COVID-19).

“Nag-stay kami sa Boracay ng lima pang araw after the wedding kasi months and weeks before nung kasal namin ang busy lang naming dalawa. Ang daming family events sa amin, tapos planning the wedding. Tapos 'yung kinailangan naming ayusin lalo na nung nag-scare sa coronavirus. So marami talagang kailangan tutukan. After the wedding, nag-relax na kami, nag-swimming na kami, kumain na kami,” ani Mica.

Pagbabahagi ng dalawa, kakaiba ang kanilang kasal dahil na rin sa mga hindi inaasahang pangyayari.

Sa kanilang kasal, "best woman" ang naging kasama ni Jay R matapos na hindi makarating ang kanyang kapatid.

At hindi tulad ng ibang kasal, mga kapatid o miyembro ng kanilang pamilya ang naging bahagi ng entourage.

Watch more in iWantv or TFC.tv

“Hindi nakapunta ang Kuya Alvin ko. Siya dapat ang best man ko ang kapatid ko, hindi nakapunta dahil sa mga paperwork niya. So next in line si ate… so naging best woman. And 'yung entourage mixed 'yon. So it’s like boys, girls, boys, girls. Hindi traditional na puro lalaki lang 'yung entourage (ko). Same thing kay Mica,” ani Jay R.

“Nag-decide kami sa entourage namin na either siblings lang or immediate family lang talaga and we wanted to honor them in that way kahit entourage lang namin. So naghalo ang mga boys and girls. …Lahat ng gusto talaga naming gawin ay nagawan ng paraan and hindi siya traditional. Which is sometimes mahirap siyang i-explain kasi hindi nga typical 'yung mga choices namin pero 'yun 'yung gusto namin and we were able to do that,” ani Mica.