MANILA – Nagkasakit ang miyembro ng The Company na si OJ Mariano kaya hindi muna siya makakasama sa kanilang Valentine show.

Kailangan niya munang magpahinga para makabawi ng lakas.

"OJ had an episode of sepsis with anemia. It’s like the poisoning of the blood. 'Yung sakit pala na 'yun hindi pwede na dalawang araw mo lang ipapahinga," ani Moy Ortiza na kasama ni OJ sa The Company. "He needs to recover so we are giving him quarter of a year para magpahinga."

Pero kumpleto pa rin ang Valentine treat ng The Company sa kanilang fans dahil tiyempong nandito ngayon sa bansa ang dating member na si Reuben Laurente.

"Super blessing nga kasi after so many years, nandito si Reuben sa Maynila at humingi kami ng saklolo sa kanya and willing naman siya to help the group. So we're very, very happy," sabi ni Moy.

Aminado si Reuben na nami-miss na niyang mag-perform kasama ang The Company.

"From the cruiseline entertainment industry, bumalik ako ng four months and for the meantime, I'll be doing harmony music with The Company kasi nagpapahinga muna si OJ. We love you OJ, pagaling ka," sabi ni Reuben.

Muling maririnig si Reuben kasama ang The Company sa "Happy Together Concert" sa February 13 sa PICC Plenary Hall.

Makakasama rin nila sina Joey Albert, Chad Borja at New Minstrels.