Nakakatuwang hirit ni 'PBB' housemate Wakim, viral na

ABS-CBN News

Posted at Jan 09 2019 12:19 PM | Updated as of Jan 09 2019 12:30 PM

MANILA -- Nag-viral na ang nakakatuwang hirit ng bagong adult housemate ni Kuya na si Wakim Regalado mula sa Iloilo.

Unang pumasok sa "Pinoy Big Brother" house ang 19 taong gulang bilang isa sa mga Star Dreamer. 

At bago pa tuluyang maging official housemate, tumatak na ang kuwelang hirit ni Wakim, ang tinaguriang "Gifted Go-Getter ng Iloilo." 

Bago siya pumasok sa bahay ni Kuya, kinausap muna siya ng host na si Toni Gonzaga. "What are the chances of you winning here in this competition?" tanong ni Toni kay Wakim.

Narito ang nakakatuwang sagot ni Wakim. 

Watch more in iWant or TFC.tv

"This is just pure conjecture po. Pero we should differentiate probability and and possibility. So, assuming that there are 64 competitors wherein there could only be one winner, then that could leave me with siguro 1.5625 possibility. But not all possiblities have the same weight. So, the probability can change based on the external factors. But you know what Toni, the fact that I'm here makes me feel like a winner. And the fact that I can bring forth my advocacy makes me feel like a winner already," ani Wakim.

Sa ngayon ay kalat na at viral na ang video ni Wakim na ang ilan ay ginawan pa ng mga nakakatuwang caption.

Galing sa pamilya ng mga abogado si Wakim na competitive sa lahat ng bagay. Dahil sa pagiging achiever, ang dami ng awards ang nakuha ni Wakim.

Isang freshman ngayon si Wakim sa Ateneo de Manila University.

Bisitahin ang Patrol.PH para sa iba pang mga balita.