MANILA - Nagulantang ang mga residente ng Barangay Payatas, Quezon City nitong Linggo matapos matagpuan ang isang pugot na ulong kalaunan ay natuklasang peke pala.

Ayon sa pulisya, nakatanggap sila ng tawag ukol sa nakitang pugot na ulo sa gilid ng ilog malapit sa Cambridge Street dakong alas-9 ng gabi.

Sa pagsusuri ng Scene of the Crime Operatives, lumabas na gawa lamang sa goma ang naturang ulo na tulad ng kadalasang ginagamit na panakot sa mga peryahan ar horror house.

Dinala na ang ulo sa tanggapan ng Criminal Investigation and Detection Group (CIDG) sa Camp Karingal. -- Ulat ni Ron Lopez, DZMM