MAYNILA - Nagsagawa ng test run ang MRT-3 ng kanilang mga tren bago isara ang operasyon ng riles mula Oktubre 31 hanggang Nobyembre 2 para sa maintenance operations.

Ito ay para magbigay daan sa planong pabilisin ang takbo ng tren sa 50 kilometro kada oras mula sa 40kph oras na magbalik-operasyon ang tren sa Nobyembre 3.

Heavy traffic flow of vehicles along EDSA as seen from inside the train.

MRT3 is set to increase its speed to 50kph from 40kph starting Nov 3. pic.twitter.com/kwm4wlYXqj

— Jacque Manabat (@jacquemanabat) October 29, 2020

Sa pagpapabilis ng takbo ng tren, inaasahang magiging 1 oras at 5 minuto na ang biyahe, mula sa dating 1 oras at 10 minuto at iikli ang pila papasok ng istasyon.

Watch more in iWantv or TFC.tv

"Kaya nga may mga simulation bago i-implement para macheck natin kung may techincal issues pa so far wala kami nakukuha… Kaya di namin kami bibiglain na pagdating sa November 3 na 50 kaagad… Kailangan yung driver mo makapag-adjust din sa speed," ani Mike Capati, MRT-3 Director for Operations.

Mababawasan na rin anila ang sira sa tren dahil maayos na ang tatakbuhan nito; at kapag maayos na ang riles, mababawasan na rin ang aberya sa biyahe kahit pa pabilisin ang takbo ng tren.

Watch more in iWantv or TFC.tv

Nasa 70,000 na raw ang dami ng mga sumasakay sa MRT-3 kada araw mula sa dating higit 300,000 bago pa magkaroon ng coronavirus disease (COVID-19) pandemic.

Huling bumiyahe ng 60 kilometro kada oras ang tren noong Setyembre 2014 nang sumadsad ang isang tren nito sa MRT-3 Taft Station.