PatrolPH

Rollback sa presyo ng petrolyo kasado na sa Oktubre 25

ABS-CBN News

Posted at Oct 24 2022 02:14 PM | Updated as of Oct 24 2022 07:42 PM

Mga motoristang nagpapakarga sa gasolinahan sa Pasig City noong Oktubre 10, 2022. Mark Demayo, ABS-CBN News/File
Mga motoristang nagpapakarga sa gasolinahan sa Pasig City noong Oktubre 10, 2022. Mark Demayo, ABS-CBN News/File

(UPDATE) Magkakaroon ng rollback sa presyo ng produktong petrolyo simula Martes, 24 Oktubre, ayon sa ilang kompanya ng langis.

Base sa abiso ng mga kompanya, narito ang halaga ng ipatutupad nilang bawas-presyo:

Caltex (Alas-12:01 ng hatinggabi)
GASOLINA -P0.35/L
DIESEL -P1.10/L
KEROSENE -P0.45/L

Cleanfuel (Alas-12:01 ng hatinggabi)
GASOLINA -P0.35/L
DIESEL -P1.10/L

Shell, Seaoil, Flying V (Alas-6 ng umaga)
GASOLINA -P0.35/L
DIESEL -P1.10/L
KEROSENE -P0.45/L

Petro Gazz, Jetti Petroleum, PTT Philippines, Unioil (Alas-6 ng umaga)
GASOLINA -P0.35/L
DIESEL -P1.10/L

Watch more News on iWantTFC

Ayon sa Department of Energy, hindi sinasadyang mas maliit ang rollback kaysa sa mga nagdaang oil price hike

Ang galaw kasi sa presyo ng petrolyo sa Pilipinas ay nakabase umano sa tinatawag na Mean of Platts Singapore (MOPS), hindi sa Dubai o Brent crude kundi sa finished products o buo nang gasolina, diesel at kerosene.

Ibinabangga ang average prices sa MOPS noong nakaraang linggo sa presyo ng nakalipas na 2 linggo at nire-reflect kada Martes ng kasalukuyang linggo.

"Wala pong makakamanipula sa presyuhan sa international market... trading po 'yan, daily trading so nakikita ng lahat, parang spot market," paliwanag ni Oil Industry Management Bureau Assistant Director Rodela Romero.

—Ulat ni Alvin Elchico, ABS-CBN News

Bisitahin ang Patrol.PH para sa iba pang mga balita.